كتب- ابراهيم سالم المغربى
الفنانة ايناس عز الدين من داخل مستشفى حميات امبابة تعلن اصابتها بفيروس كورونا بكل قوة وشفافية وتناشد المواطنين عبر صفحتها على الفيس بوك قائلة.
الوقت الى احنا فية مافيهوش حاجة اسمها دورى ودور الحكومة ودور الاطباء والممرضات ودور الشرطة
احنا فى وقت حرج للغاية وده دور كل انسان فينا على وجه الارض الفنان له دور والحكومة ليها دور والشرطة والجيش ليهم دور والاطباء والصيادلة ليهم دور وكبير كمان .
كل انسان ميقوليش مليش دعوة وخلينى فى نفسى لان نفسك مش هتعيش ولا هيبقى ليها وجود لو ماقومتش بدورك .
وعى كل من حولك اعملو فيديوهات توعية فهموا الناس أن الفيروس زى اى مريض اللى يكتشفة لازم يروح يتعالج ونبة الشفاء كبيرة فيه لكن لو ما تعلجتش فرصتك فى الشفاء قليلة ومش بس كدة انت بتعرض أسرتك وعائلتك واصدقائك وكل انسان بتتعامل معاه للخطر .
كفاية صويت وصريخ ولطم وواجهو الامر الواقع بعقلانية وهدوء علشان نعدى الازمة دى بأقل خسائر بشرية ممكنة لان الصويت والصريخ بيخلوا المريض بدل ما يموت من الفيروس يموت من الخوف والرعب ولو نسبة شفاءه 80%من الفيروس من كتر الخوف والرعب المرض بيتملك من جسمة وعقلة ومش بس كده بيبق الرعب والخوف فى كل شخص ممكن يكون مريض وبيخلى الناس تهرب من العلاج وبدل ما تتعالج بتهرب وتعدى غيرها ألف وألالف يعدو عشر الاف غيرهم وهكذا .
لو فى امكانك تساعد الناس ماديا أو معنويا أو بالتوعية ما تتأخرش .
التوعية ثم التوعية ثم التوعية كل واحد يوعى كل اللى فى محيطة والعدد اللى يقدر علية .
الاختبار المرة دى محتاج اكبر قدر من التوعية
ندعو للفنانة الجرئية والرئعة ذات الروح العالية بسرعة الشفاء
التعليقات