قصيدة : باحبك حب موت … شعر : عادل عبد الرازق

الذكريات اللي اتبعترت في المدا
ماتت على صدري
عششت رغم رفضي ف نبضي
وابتدت تغلي ف دمايا
خربشتني مناقير الضفاير
جرًحتني ألف جرح
توهتني في الدواير
وانا كنت لسه بابتدي
—
” في جيبي ما زالت رصاصة
أتمنى لو تنالك ”
لكني تايه في الوشوش
ولا قادر اغلب السكوت
وباحبك من كل قلبي
ولسه باحبك حب موت
—
الذكريات اللي اتنتورت غيامة
مرة وكئيبة
والخطوة في دروبي عذاب
والخطوة بعديكي رتيبة
والعمر متسرسب وضايع
والعمر معدي وبيفوت
وباحبك من كل قلبي
وباحبك حب موت
—
حبك مغارة عالطريق
وانا قلبي رافض يتسجن
عرضك وطولك متشكلين
متنتورين جوة الشجن
لملمت أحلامي القديمة
وفردت صورتك عالبيوت
وباحبك من كل فلبي
وباحبك حب موت
—
برل واحدة بتحجل يا قلبي
ولا عصايتي بتشق بحري
فردتني خيانتك قوارب
في الموج بتبد
ا الرحيل
وانا م المحال أنسى هواكي
لو حتى احتواني تابوت
وباحبك من كل قلبي
وباحبك حب موت
—
تعبتنا خطاوينا
وتعبنا خطاوينا
ورفضتنا موانينا
ورصيفنا ف حوارينا
ميلنا عالجدار
وشطبنا أسامينا
—
ما كنت أضحوكة لضفايرك
ولا كنت باحبي عالكفوف
لكني ماعرفتش معنى لحروف
وفضلت متشعلق عالرفوف
يمكن أموت
يمكن أعيش
لكن لسه جوايا صوت
رغم انك خانقاني
لكني باحبك
باحبك حب موت