ما تكتبيش جوابات بقلم – عادل عبد الرازق

ما تكتبيش جوابات
ما تصرخيش جوّه السكات
إحنا افترقنا وانتهينا
رفضتنا الدروب والمدينة
ولا عادش شىء يإيدينا
ولا حترجع لينا الذكريات
ما تكتبيش جوابات
ما تصرخيش جوّه السكات
…
إنتي وانا كنا بنحلم
وادي الحلم مات
إنتي وانا كنا بنرسم
في الحب مستحيلات
ما تكتبيش جوابات
ما تصرخيش جوّه السكات
…
لا حيرجع اللي مات
ولا الدقايق ولا الساعات
ولا العمر اللي فات
لو كتبتي مليون جواب
لو صرختي بكل العذاب
إحنا افترقنا وانتهينا
لمّا الوفا جوّانا مات
ما تكتبيش جوابات
ما تكتبيش جوابات
***