مشربيات الشوارع
والبيوت من غير بيبان
واللي رايح واللي راجع
محبوسين بين الحيطان
تايهة وشوشنا ف حيرتنا
حتى أسامينا فارقتنا
ومشينا واحنا بدمعتنا
منتظرين صوت الآدان
مشربيات الشوارع
والبيوت من غير بيبان
العيون من قزاز
والوشوش من رخام
الخطاوي مرعوشة
والقلوب عاشقة الآلام
متحيّرين في الوجود
كل ما بنوصل نعود
والشوارع سدود
وأخر الشوارع
أسلاك وجدران
مشربيات الشوارع
والبيوت من غير بيبان
من كام سنة يا مدينة
والوصول لون الرجوع
من كام سنة وعينينا
ماعرفتش غير الدموع
البداية هيّ البداية
والنهاية هيّ النهاية
والحكاية نفس الحكاية
مش لينا يا قلبي الزمان
الزمان للي كذب
واللي غدر واللي خان
الزمان للي باع
في العشق كل ما كان
أما احنا يا قلبي
مش لينا يا قلبي الزمان
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com