كلنا لما بنتوجع او بنتأذي من شدة وجعنا أول تفكير بيجي في بالنا اننا ازاي ناخد حقنا بكل ما اوتينا من قوة و بنفكر نرد الوجع اللي إتوجعناه باي طريقة أيا كانت ايه و تحت أي مسمي و اللي هو العين بالعين و البادي أظلم بس عارفين في حل أسهل بكتير قوي من الانتقام و هو أنك تمشي أيوة تمشي ماتحاولش حتي تاخد حقك لانك وقتها هتكون غضبان و الغضب ده هيسيطر عليك سيطرة كلية و كل ما تحاول تنتقم و تعمل حاجه هتلاقي نفسك بتغرق في الوحل اللي انت فيه و بتكون عاوز تنتقم أكتر من اللي قبل كدة و هتلاقي نفسك مبتشبعش إمشي زي ولاد الناس اللي إتربوا و أستعوض ربنا في كل حاجه أرهقتك ووجعتك حول الغضب اللي عندك لبداية جديدة و حياة جديدة لسعاده جديدة و خطوات نجاح لمستقبل مشرق نقطه كده و من أول السطر و ركزوا كده حقك إللي إنت سيبته هيجيلك لحد عندك هيجيلك بمنتهي الشياكه اللي في الدنيا بعد لما تكون نسيت هاتشوفة بيتاخد قدامك و هتكمل طريقك والله في عدالة سماوية بس كل حاجه بأوان الحق راجع راجع مهما عدي الوقت إصبروا….
سعادتنا قرارنا
حياتنا قرارنا
أيات الجارحي
( الباحثة في الشأن الافريقي و مدربة المهارات الحياتيه و عضو الرابطة الاوروبية لعلماء الانثروبولوجيا)