سؤال بدون حزازيه : دكاترة الجامعه طب ليه ما يعملوا مثل ما عملت وزارة التربيه والتعليم بنك معرفه ومنصه امتحانات و منصه تعليم عن بعد؟

طارق رشيد عبد المجيد

سؤال بدون حزازيه هي الجامعات ليه ما تعمل ايميلات خاصه للدكاترة مثل المعلمون وليه لا تعمل مثل وزارتنا اكواد للامتحانات ويمتحنوا الطلاب طب احنا المعلمون بنشرح ونسجل شرحنا يوتيوب وممكن نمتحن الطلاب من خلال google form وممكن حاجات كتيرة طب مين اللي اصولا يعلمنا ذلك مش دكاترة الجامعه طب ليه ما يعملوا مثل ما عملت وزارة التربيه والتعليم بنك معرفه ومنصه امتحانات و منصه تعليم عن بعد

هي وزارة التعليم العالي لا تتبع لكم ولا ايه لما المتحدث الاعلامي للوزارة يقول ان نسبه نجاح التعليم عن بعد ٩٠٪ وذكر جامعه المنوفيه وللاسف لي ابن في هذه الجامعه وكليه عمليه واتابعه واتابع اخوه اللي في كليه عمليه ايضا في جامعه الاسكندرية اللي في جامعه المنوفيه نزلت له محاضرة واحدوة واللي في اسكندريه ثلاث محاضرات ومكتوبين ولما بسأل قال اللي في جامعه المنوفيه اغلب الدكاترة دكاترة متفرغه اي فوق السبعين لما كانوا بيشرحوا لنا ما كانوا بيقدروا يبقا حيشرحوا اون لاين يا بختكم بوزيركم يا بابا

بجد وبدون اي نفاق اني ارفع القبعه لمعالي وزير التربيه والتعليم ونائبه بعد المجهود المبذول اللي اراه بعيني وبعد ما رأيت ابنائي الجامعين بيحسدوا اقرانهم في التعليم قبل الجامعي بمعالي الوزير لان لم يروا ذلك في وزير التعليم العالي اللي المتحدث الاعلامي له يقول ان نسبه النجاح ٩٠٪ جاب النتيجه دي منين وابناؤنا وخاصه اللي في جامعه المنوفيه اللي اشاد بها وكليات عمليه ما نزلت الا محاضرة واحدة والباقي ما نزلوا شيء اذا كانوا اغليهم متفرغين اي فوق السبعين فحيتعاملوا مع التكنولوجيا الحديثه ازاي

دي يا معالي الدكتور وزير التعليم العالي اللي المتحدث الرسمي قال ان جامعه المنوفيه نسبتها ٩٠٪ لنجاح التعليم عن بعد هي فعلا نسبتها ٩٠٪ مش نجاح بل فشل لما كليه عمليه مثل هندسه زراعيه ما نزل لهم غير محاضرة واحدة وان اغلب الدكاترة متفرغين اي تخطوا السبعين