شهيد عنيد .. بقلم الشاعر :- حارس بخيت

بصحي وانام كل يوم
علي هم وفكر جديد
واهرب من الواقع
و احلم اني سعيد
عندي عربيه فخمه
وقزازة ميه في الايد
اوصل مشواري بدري
ولا أتأخر في المواعيد
اتاريني بحلم ومسافر
بقطر سكه حديد
و الاقي نفسي راكب
في قطر الموت اكيد
يا فقر حل عنا
احنا مش عبيد
احنا زرع مر
والحصاد بمليون ايد
احنا أولاد البلد دي
وحبها بقلوبنا بيذيد
مهما حصل لنا كلنا
فداها شهيد ورا شهيد
لو ربنا كتب اهلا
استشهادي يوم عيد
لكن باعتب عليكي
يا بنت الاجيد
باعتب عليكي يا حبيبتي
يا أم الطبع شديد
ليه انا بحبك
و انت القلب جحيد
و عشانك الكل بيحاربني
و انا مقاتل سديد
ازاي ابقي بحبك
وتولع النار بحسمي وتقيد
حاسبي المهمل الظالم
و السارق الناهب الفسيد
واللي بيتعمد الاهمال
علشان ماله يزيد
طماع بيهبش وينهش
مش خايف يوم الوعيد
و يستحم بدم اولادك
شهيد ورا شهيد
كجاهل ارهابي بيقتل
بدون حق حقيد
يفجر ويضرب ويهرب
كنت اتمني امسكه بالايد
لكن يا حبيبتي القدر
وكل أجل بمواعيد
فداكي روحي ودمي
انا فجر وليد
انا بدايه جديده
لميت مليون شهيد
واحمديه يا مه انا جتلك
في تابوت جديد
فيه اللي راجع من غير
أيد او رجل او فقيد
انا جتلك يامه متحني
بدمي في الايد
شهاده من عند الله
رب العرش الحميد
واياكي تبكي يا نور عيني
مكتوب علي جبيني شهيد
لكن من أجل بلدي
انا مش اي شهيد
لو ينفع استشهد مليون مره
منايا انا شهيد عنيد