تعرف لو تعيش عيشتنا
وتبقى واحد مننا
كنت تبقى باشة باشتنا
ونهتف ب اسمك ياعمنا
اما انت عايش ف كوكب
واحنا ف كوكب تانى
انت تسيد وتركب
واحنا الغلابه نعانى
لا عمرك هتحس بينا
ولا هتحس بوجعنا
ده انت يانور عنينا
اكتر واحد خدعنا
عيشتنا فى اوهام
واحنا غلابه صدقنا
اترينا كنا نيام
وعلى كوابيسك فوقنا
لقينه بلدنا بترقص
على سلم الرياسه
وشوفنا ولادنا بتنقص
لاجل حبة سياسه
واحنا الغلابه بقينا
قوت لكلاب الحراسه
ولو رفعنا ايدينا
اخرنا طلقة رصاصه
واهى بلدك واللى جابك
شعب بيهوى الكلام
اهو ميت خلف بابك
ميت قتيل الغرام
والحق ياللى ما تلحق
دى البنادمين ببلاش
بلدنا جابت ملحق
واهى نايمه فى الانعاش
ممكن سيادتك تروق
وتاخد نفسك بانتعاش
اصل انا عايزك تنسى
اللى ميت واللى عاش
وايه يعنى الشعب ف ازمه
وعايش ف خنقه واكتئاب
طول عمره مالوهش لازمه
دول شوية ذباب
فلتصنع لهم قنابل
وتضربهم بالبنادق
وترميهم فى الخنادق
وتجعلهم رمم وعضام
لكى تعيش السياده
ولتعلوا دائما البياده
وتفضل جنابك فى الرياده
ومزاجك على طول تمام
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com