هحاول اشرح مشكلة الدولار وازاي الحكومة بتحاول تحلها، وايه دور كل واحد فينا في الحل ده … بس الارقام كتير شوية فركزوا معايا
المشكلة سببها ان مصر حالياً بتحتاج ٧٤ مليار دولار في السنة (٦٥ مليار استيراد، ٦ مليار خدمة دين، ٣ مليار سفر المصريين للخارج بما في ذلك الحج والعمرة) بينما مواردنا من الدولار ٥١ مليار بس (١٩ مليار تصدير، ١٦ مليار تحويلات مصريين بالخارج، ٥ مليار قناة السويس، ٥ مليار سياحة، ٦ مليار استثمارات اجنبية). الفرق بين المطلوب والمعروض ٢٣ مليار وده اللي مخلي سعر الدولار طالع في طالع.
الحل اللي الحكومة بتحاول تطبقه هو انها تحاول تسد جزء من العجز ده خلال التلت سنين الجايين عن طريق الاقتراض (٢١ مليار علي ٣ سنين يعني ٧ مليار في السنة اللي هما ١٢ مليار من صندوق النقد و٣ مليار من البنك الدولي و١،٥ مليار من البنك الافريقي و١،٥ مليار منح ومساعدات بالاضافه لطرح سندات دولاريه دوليه بقيمة ٣ مليار). السبعه مليار دول هيسدوا ٣٠٪ من اجمالي العجز وهيبقي لسه فاضل ١٦ مليار معجزين .. دول بقي المفروض يتقفلوا عن طريق استقطاب ٣ مليار دولار استثمارات اجنبية مباشرة كل سنة بالاضافة لانخفاض الاستيراد والسفر بعد التعويم علشان اسعار السلع المستوردة وتكلفة السفر برا زادوا علينا اوي بالاضافه لزيادة السياحة اللي جايلنا والتصدير علشان اسعارنا هتبقي تنافسية اكتر بكتير للسايح والمستهلك الاجنبي.
طب دور كل واحد فينا ايه في الحل ده؟
اولاً: – يبقي عندك ثقة في الخطة دي ومتحولش مدخراتك المصري لدولار علشان ده بيزود المشكلة
ثانياً: – متضاربش في الدولار لانك لو عملت كده هتكسب شوية فلوس دلوقتي لكن هتفضل طول عمرك بتعاني من اقتصاد خربان
ثالثاً: – تشتغل قد ما تقدر وتحاول تستغني عن اي منتج مهواش مهم اوي بالنسبالك
رابعاً: – تعمل شير للبوست ده يمكن غيرك يقراه ويقتنع 
🙂
الله غالب … ولكن ولكن ولكن ولكن يجب عمل الآتى:-
١- محاربة الفساد
٢- ترشيد الانفاق الحكومى
٣- الغاء الاستثناءات التى تؤدى الى التمييز الطبقى
٤- التصدى لظاهرة الوساطه والمحسوبيه التى تقتل الانتماء
٥- منح الاولويه للمنتج المصرى عند الشراء
٦- ترشيد الانفاق الفردى والتصدى للبذخ فى الافراح والمناسبات والمآتم فلسنا اقل من الشعب الكورى او اليابانى او الالمانى الذين مروا بظروف اصعب
والله غالب والله غالب ان غيرنا ما بانفسنا
التعليقات