من سكات بقلم – عادل عمران

خوّفيني أدّ خوفك
من حروفك
من خربفك
من شكل جلد البدن
ساعة العدم
لمّ يزورني طيفك
أشتهيكي في احتمالي
بس احتمالي للسكات
…
ما تخطّليش
ما تنادنيش
أتركيني للمفارق
للي ضاع واللي فلرق
نطوريني للأماكن
للحواري .. للمساكن
وافتحي لأي عابر سبيل واحضنيه
أماّ أنا
أتركيني انا
في بحر عشقك للدوّانات
…
مش مكتوبالي
ولا من قسمتك قلبي انا
كل الشوارع للعفار
يا حبيبتي أخصنة
…
وأه يا بحر وألف أه
قصقصت قواربنا الورق
وامّا حلمنا باشطوط
كان من نصيبنا الغرق
مركب وانخرم
واتمدت شقوق
لاهي معجزة ولا حلم صيف
ولا حتى كانت ذكريات
…
عفاريت في كل الشوارع
بتداري عالحلم اللي ضايع
فرقت ما بينّا مليون مسافة
وفي كل المسافات مواجع
وقفت يماما عالشجر
ماعرفش ليه بكى القمر
وافترقنا أنا وانتي يا حبيبتي
والفراق كان من سكات
***