ما تميّليش على جرحي
صعب إني أتحمّل سمومك
أنا بعت أيامي ومطارحي
وفي ملامحي سكنت غيومك
يا ليل طويل بيحتويني
كان سهل عليكي تكسريني
وانا لسه باحبي عالطريق
لو كنت أقدر أجرحك
أنا كنت أجرح ألف مرّه
واخنق ماضيكي واطرحك
عالأرض دمعاية مرّه
بس يا خسارة انتهيت
وماعادش غير كلمة ياريت
باقولها وانا زيّ الغريق
راح اللي رتح وانتهى
بس جوّايا الذكريات
ما عادش حنيني يندهك
ولا جوّه قلبي شوقي مات
رغم الخيانة باشتهيكي
ولسه عاشق لون عينيكي
ولا عادش باقيلي شىء
*****************