إسمحيلي اقولك… يا حبيبتي
إسمحيلي احبك
إسمحيلي
إكتبيلي أو قوليلي
إيه غيّرم مرّة واحده
إخلعي كل الأقنعة
عرّي وشك مرّه واحده
خليني اشوف تفاصيل ملامحك
يمكن اقرا أي معنى
…
واربتي بابك ليه ف وشيّ
وطلقتي ليه كل الغربان
ردّيتي شباّكك عالقمر
سدّيتي حواليّا الحيطان
…
كانت عيونك بسملة
لكنها رافضة الصلاه
مش ذنبي إني مش نبي
ولا عمري أقدر أكون إله
…
يا حصاني حوافرك في الطين بتغرز
وسيفي انكسر في غربتي
من غير وجودك يا حبيبتي بانكسر
وبانهزم وبرغبتي
…
ياابوال البيوت مين قفّلك
لون منظرك زي الحيطان
أنا كنت عاشق يوم ومغرم
وكل الحياه كانت بيبان
..
مرّه جراحي ممررّه
ولا مرّه كانلك اعتذار
كل الشطوط صبحت بحور
كدّابة كل ألوان الفنار
…
عشقتك ولا عشت غيرك
نافياني ليه في المطارح
اللي انتهى هوّه أنا
لمّا اتغيّرت فيكي الملامح
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com