ليه يا روح الشوق بتبكى
ليه تخلى الدمع ينزل
دمعك إنت هوه دمعى
والدموع ع الخد تجرى
كنت باكتب لك حبيبى
وإنت شوق قلبى وعينى
دمعك إنت جه بعينى
نزلت الدمعه بخدى
زى نار الشوق بتكوى
طب تعالى وشوفه قلبى
ع البكا ما عاد لى قلب
والدموع ع الخد صب
آه يا قلبى من فراق
ليه بتبعد لما باطلب
ليه بتنده لما باكتب
ليه بتبكى دموع وتندب
ليه يا قلبى علينا تهرب
طب تعالى بكاك بكانى
نزل الدمعات تعانى
ع الخدود والورد حانى
والشفاه بالصوت ملانى
والكلام عنى وعيانى
واللى غنانى اشتياقى
والحبيب مافارق خيالى
لو تشوف قلبى وحالى
كنت قلت جرا وجرالى
شفت قلبى وزاد جنانى
شفت روح الروح تعانى
كل ساعه تشوف مكانى
والدموع شافت هوانى
ليه بكاك دمعك د غالى
والدموع تحكى الغوالى
وإنت شوقى وقلب تانى
وإنت عمر الروح قبالى
ليه دموعنا تزيد يا غالى
ليه وليه دمع الليالى
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com