شبابيك الحيّ …
بتداري على الحيّ
وانا ورا شباكي طالل عالشارع
باحلم إن يعود الحلم الضايع
والصمت مواجع ..
ولا رايح ولا راجع ..
غير الحلم
وصديد في عروقي عشق طعم الهم
…
شبابيك الحي بتمنعني اني أشوفك
وحروفك ..
في حروفي بتتبعتر
متكسر كل اللي ما بينا ياحبيبتي
ورغم اللي ما بينا لسه بنستنظر
إن الضلام مرّه يضلنا
إن الشموس تحضن ضلنا
ونلتقي حقيقة وحلم
…
شبابيك الحي ..
بيني وبينك أسوار
لكني بحبك يا حبيبتي رغم الأسوار
رغم البعد اللي ساقينا مرار
طب إمتى نتقابل بقى
طب إمتى يجمعنا اللؤاه
واخدك في حضني ولا اتركك
***