ع️مرو عبد الرحمن
رؤوس النظام القديم اللي فضحهم لسانهم بإعلان رفضهم إجراءات الدولة المصرية لاسترداد أصول البلد من أراضي منهوبة علي مدي ربع القرن البائد – فكرني بفيلم مشهور اسمه : ( الممنوع لمسهم )
أو ؛
– [ THE UNTOUCHBLES ]
= عن قصة حقيقية لعصابة مافيا سيطرت علي شوارع أمريكا من 100 سنة تقريبا (أيام الثلاثينات) …
= زعيم المافيا بيحميه مرتزقة المحامين اللي يعرفوا إزاي يلعبوا علي ثغرات القانون ويطلعوه من أي جريمة فساد – ( زي الشعرة من العجينة ) …
= الشرطة الأميركية وقفت عاجزة عن القبض علي زعيم المافيا لأن مفيش ولا تهمة ثابتة عليه – مع إن الناس كلها عارفين جرايمه – ومع ذلك الجرايد بتتكلم عنه وكأنه بطل ونجم سياسي وصاحب أفضال علي الفقراء والمحتاجين!
= لغاية ما ضابط ذكي عرف يجيبه من قفاه – عارفين إزاي؟
= بقضية تهرب ضريبي صغيرة (أد كيدهو) …
= لو طبقنا النموذج ده علي أي بلد فيها “مافيا” وفتحنا ملفات فسادهم القديمة – مش هايرتكبوا جرايم جديدة ويبقي تم الخلاص منهم للأبد …
= بس المهم الجرأة في فتح الملفات القديمة بحرفية قانونية وقلب شجاع …
= خصوصا في جرائم لا تسقط بالتقادم ، زي جرائم الحرب ضد الشعب بالمبيدات المسرطنة … مثلا مثلا
= أو بيع أصول البلد وحديد الوطن ؛ برخص التراب لتجار السيراميك والبلاط والطبالين …
– شوفوا الفيلم تعرفوا أكثر …