يآرب إحمي بـــــلادنا .. بقلم مصطفى سبتة

يآرب إحمي بـــــــــــــــلادنا
من ال كــــــورونا وكهنها
مـــش لاقيه حد يــــــــــلمها
كائــن غريب وحش أوي
دمـــار وسابقها عـــصرها
ملايين ومش لاقــــيه دوا
ملايين وطارت ف الهوا
مدوخه الــــــعالم تجارب
فيه عـــلما ماتت م الخوا
تعمل تــــجارب ع الـــفيران
تبحث تــــــــمحص كام بيان
دول بتصرخ يــــــــامغيث
ودول تـــــــــقفل في البيبان
وفقيرنا يــــــــــا ولداه عليه
ليلاتي شابكه شـــــابطه فيه
يكح يـــــــعطس قوم يموت
بلاوي و دايــــــما بادئه بيه
طيران مفيش طيران يطير
وبدون اشاره دا شئ خطير
كورونا تــحضن في الغني
طمعت وشبطت ف الأمير
كمامه نـــــلَبِّس في العيال
وفي الــيمين وفي الشمال
جوانتي مـــــاركه مسجله
نظافه درب من الـــخيال
باشـــــــت إيدينا م الغسيل
ودارينا وش ال كان جميل
مسافه نـــــــبعد كام دراع
ونـــــنعزل في البيت عليل
نــــــــــــقعد لا شغل ومشغله
ربك يـــــــــــــــــــخفف البلا
دي كورونا ليه مش شايفه حد
دي كـــــــــورونا زفت وقندله
مـــــــــــــــرض موزع معتمد
سلطان مفيش سلطان صَـــمد
والـــــــــــــــــكل يخضع للأله
واحد أحــــــــــــــد فرد صمد
ميت يموت أهــــــــله سابوه
ولـــــد وجــاحد ســــاب ابوه
وتاني خد أمه إل ربــــــــــــها
رجع تاني وقـــــام خد أخوه
بيوت وخـــــــــليت م االنفس
كرونا وبـــــــضيق في النفس
تحصد كـــــورونا في الخلايق
ميت في قبره وانـــــــــدفس
وم الأمــــــــــــــــور المرعبه
وم الأمــــــــــــــــــور المتعبه
موت الأطـــــــبه وموت شنيع
دنيا وجــــــــــــــــايه مكركبه
أصل الـــــــــــدوا دوا القلوب
دوا الـــــــــعاصي لازم يتوب
والـــــــطاعه ضاعف عزمها
والمـــــــــــــــطيع لازم يدوب
اهين لــــــــــــو عُدنا إل ربنا
يزيح يــــــــــــــــــخفف عننا
وبايده يـــــــــــــزيح عنا البلا
وكمان يــــــــــــــجفف دمعنا
بادعوك يامالك في عــــــلاك
عبدك ومشرف ع الـــــهلاك
بأمرك وقــــــــــولها يلّا كُن
يا من مــــجيب لمن دعاك
إحمي بـــــــــــــــلادنا وأهلنا
علمنا وإمــــــــــــــحي جهلنا
وإشفينا وإشفي الــــــــعالمين
واخـــوانَّا بـــيتنا وجــــــمعنا