منتظر اية من قنوات بتلجا للراقصات والعاهرات ويعملوا منهم اعلاميات يقدموا مسخرة وتفاهات عشان يزودوا الاعلانات … منتظر اية لما تلاقى الاعلاميين قاعدين فى بيوتهم وشوية جهلة طالعين على شاشة
التليفزيون ينصحونا وكانهم اهل الشرف والفضيلة … منتظر اية لما تلاقي دعوات بتنادى بخلع الحجاب اللى يمكن يكون الحاجة الوحيدة اللى تقلل من ذنوبنا وتخلى ربنا يرضى علينا من بعض الاشخاص على انة مش فرض .. منتظر اية لما تلاقي ناس بتتريق على اللبس المحترم اللى مغطى مفاتن الجسم وتقول عليهم فلاحين وبيئة وعفاريت عشان مش ماشية مبينة كل حتة فى جسمها عشان كل اللى يشوفها يقول اللة دى جميلة ….منتظر اية من ناس بجحة بيعبدوا القرش ويبيعوا اى حد عشانة ويطلعوا يتكلموا عن الفقراء … منتظر اية لما حد يقولك فى بيوت للايتام وانت عندك الاف من اطفال الشوارع بتنام فى الشارع مصارينها بتلوى من الجوع وكل اللى حضرتك بتعملة تبصلة بقرف ولما تيجى تروح للدور دى هيقولولك فى شروط عشان نقبل ناخد طفل عندنا .. منتظر اية لما مسؤول يطلع يتكلم عن الفساد وهو عايش معاة ليل نهار وبيرعاة … منتظر اية لما الراقصات والفنانين اللى بيقدموا مسخرة ويفسدوا الاجيال كلها هما اول ناس فى دعوات الرئيس .. منتظر اية لما تلاقي برلمان كلة ” حبهان ومستكة وحين ميسرة وتسريبات والخ من الانواع دى هما اللى بيتحكموا فى مصير البلد …. منتظر اية ولا اية لما تلاقي زميلك يقعد معاك ويجرى يبلغ عنك عشان يتقلوا برافوا وينول الرضا .. منتظر اية لما تلاقى شباب بتتعلم واهاليها بتبيع اللى وراها واللى قدامها عشان لما يكبر يتعين ويصرف عليهم وفجاة تلاقى واحد عندة واسطة هو اللى اتعين واخينا التانى يروح بقا يشتغل نجار ولا زبال ولا يطلع يسافر ولا يقعد على القهوة والاخر هيقولولة انت عايز الشغل ييجى لحد عندك انت مش بتاع شغل البلد مليانة شغل .. طيب منتظر اية لما تلاقي واحدة مش لابسة اصلا وهى دى استايل من وجهة نظر الجميع تتعين فى وظيفة بالاف الجنيهات ومفيش عندها خبرة والكل يجرى يساعدها وغيرها تشتغل فى محل عشان لبسها ياي معفن ومش من مستواهم .. طيب منتظر اية لما تلاقي مستشفيات بتلم تبرعات عشان تبنى مستشفى للمرضى وهى بتعمل اعلانات بثمن المستشفى … منتظر اية لما يمسكوك وانت فى الشارع ويقولولك اتبرع بالدم ولما تروح المستشفى وتحتاج دم يقولك لازم تتبرع بعدد الاكياس اللى هتاخدها وكمان تدفع على كل كيس مائة و خمسين جنية . .. منتظر اية لما تمد ايدك لشخص وتساعدة وهو اول واحد يعضها …هيييييييييح .. الحمد للة. واللة احنا طماعين ..