كشف الفنان عزت أبوعوف أحد أسباب مرضه، موضحًا أن نصف مرضه يرجع لتعذيبه لذاته عقب وفاة زوجته، بعدما فشل في تعويضها عن مغامراته النسائية أثناء زوجهما.
وقال «أبوعوف»، الذي حل ضيفًا على حلقة «صبايا الخير»، مساء الأربعاء، إنه بعد وفاة فاطيما زوجته «عذبت نفسي 3 سنين، ونص سبب عييايا، اللي حصلي ده، إن كان بسبب إنه أنا بعذب نفسي، بجلد نفسي يعني، حاولت أخر سنة بجهد زي قصص روميو وجوليت إني أعوضها ده، بس أنا عارف إني معوضتهاش، لأن الجرح كان جامد أوي، لكن حاولت، حاولت جامد وحياة العيش والملح إن أعوضها ده».
وكشف «أبوعوف» إنه حاول أن يعوض زوجته عن مغامراته النسائية قبل مرضها بعام، موضحًا: «قبليها بسنة، لوحدي خالص، قلت مفيش بقا العك والقرف والزفت اللي أنا بعمله ده، وكانت أخر مغامرة نسائية بالنسبالي مضى عليها بتاع 10 سنين، 10 سنين ماشي زي الصراط المستقيم، لا ببص يمين ولا ببص شمال ولا عايز أعرف حد ولا حاجة، 10 سنين ماشي عامل كدة».