وشك .. لبلاب ملفوف
زي الأحزان
وان شق ملامح
بيموت الخيل والخيًال
باطلع للنور من خرم الذكرى
بس ضلوعي بتتكسر
واتحفر تقاطيع مش لون تقاطيعي
ولا تاني أعود لحقيقتي
ما تسمًنيش
ما ترتبيش حروفي
إرميني من خوفي لخوفي
أنا كاره لملامحك
أنا عايش لسه بجرحك
وباعاني نفس ظروفي
…
أنا ألحدت ..
بعينيكي وجناتك
وبكل الترانيم اللي ف ننك
وبكيت
على إني ضيعت إيماني معاكي
لحظة مانا صدقت الطفلة اللي ف سنك
…
قلبك لو خان
أنا عمري ماحسند راسي على حيطان
وان كونتي عروسة قماش
انا راح اكونلك يا عروسة فارس خوًان
***