ولا تخرجي
كل الملامح زيف وجارح
فاتحشرجي
مشنوقة صورتك في البواقي
وانا اللي غدرك راغمني عالبكا
ما ضلًنيش غير عشقي ليكي
ماخلانيش غير لون تابوت
…
غريب الملامح براحك
واشتياقك كان ملح مالح
للكدب أوصاف
بس اللي خاف
هوًه اللي فارق
…
عاشقك لكين بدمعتي
والخطوة أحزان
وامًا قلبك ضلًني
ضليت المكان
…
لوني الوحيد إتشكللك
على شكل قوس قزح
فتحت صدري أحضنك
نبض القلب انجرح
…
لو كان حبيبك تكسريه
إيه غريبك بعده يطول
قالع عباية البدن
نازف صدا وكسور
باشتهيكي ومش لاقيكي
غير ألف سور ملفوف بسور
…
أنا لمًا أصبح لي ضوافر
نزعت جلدي أصبح مراكب
قدًف حنيني وصلتلك
وانا وحدي واخداني الغياهب
طار اليمام من موطنك
عشش على حيطاني القديمة
…
شجًريني في الشوارع
واكتبيني على كل يافطة
عرًفيني لكل ضايع
واحكيني للناس على شكل نكتة
آخر المعارك بينك وبيني
لمًا انهزمت بدون ماحارب
…
إطلقيني وسدًي بابك
طيًريني في الزمان
ردًي شباكك في وشي
واهزميني ألف مرًة
واكسريني ألف مرًة
وانزفيني دمعة مرًة
…
إفردي عيونك مصايد
واصطاديني عالطريق
وان طل إحساسك وحن
إرميني للبحر الغريق
مش لقلبي ده القمر
ولا كان لخطوي ده الطريق
مكتوب عليًا اني انهزم
ولا أنتصر غير بس في حلمي
…
ما همنيش غدرك وظلمك
ما همنيش كتر الحيطان
اللي فارق يفارق
واللي خان خلاص ما خان
أنا همًني إني انهزم
من قبل مامسك سيفي الخشب
…
إتمرجحي …
على كرسي قلبي وافتخي
جرخي الجديد لون مطرحي
قصقصيني وطيًريني
في المدا وقولي ده كان
في قلبي فارس من ورق
…
ملفوفة ضفايرك شكل العنكب
وغناكي صديد ساري في دمي
بانزف
بانجرح
واتمطوًح
واتجرجر ورا عربات الرش وانا عاري
…
متبعترة ..
كل الذكريات فتات
وانا عمري ما وصلت القمر
ولا حققت ليكي الأمنيات
سيًل لعابك عرق
واخترتي غيري وكسرتيني
لمًيتي شالك إتخنقت يمامة
وانا اليمام دنيتي
…
متبدًلة
متحوًلة
متشكلًة
متميًلة
متشققة كشروخ الحيطان
من شهر وانا عابر سبيل
ولا راضية تفتحلي البيبان
خدعتني ضحكة شفايفك
وضحك على قلبي زيف الحنان
…
صدقت إنك كونتي طفلة
والحفلة كادت تنتهي
إنكسرت ف قلب مهدي
وانا كنت لسه باشتهي
رفضتني قعدة الحجر
وركن الشارع قاللي وداع
أنا كان في صدري ليكي وسع
بس عينيكي كانت للخداع
…
أنا كان لي بيت وكان لي شارع
قبل الدروب ماتكون هوامش
أنا كان لي حلم ومان أدان
وكان قلبك ليًا واسع
رفضتي ليه خطوتي
وانا راكب حصاني من سكات
باسرح فر رقصتنا الأخيرة
ساعة الفرس ما صابه رصاصك