باحلم بميلاد النور
وانا ماشي ف دربي المهجور
وباشوف السكّة بتضلّم
والخطوة محبوسة ورا سور
وانده عليكي ما تندهيني
وابعد بعيد تناديني
والإيدين تتمدّ إيدين
إنتي وانا إحنا مين
والحلم محتار ليه في السنيين
والحيرة دواير بتدور
باحلم بميلاد النور
وانا ماشي ف دربي المهجور
وباشوف السكّة بتضلّم
والخطوة محبوسة ورا سور
يا ملامح يا دروب السكات
الحاضر ليه شبه اللي فات
ولإمتى يا حلم النهار
حنعيش مرار الإنتظار
في كون متغلّف بأسرار
قوليلي إيه يرضيكي
وقلبي ارهنه ف إيديكي
أبعد أنا ولاّ اناديكي
ولإمتى الضلام يكسي الشوارع
والزحمة واللي رايح واللي راجع
والآلام والأحزان والمواجع
وانتي وانا حلم ضايع
وطير بيرفرف لكن مكسور
باحلم بميلاد النور
وانا ماشي ف دربي المهجور
باحلم ياحبيبتي نتحدّى
أنا وانتي قدرنا المغرور
باحلم بميلاد النور
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com