ما تكتبيش نهايتي بإيديكي
خلّي غيري يهون عليكي
أمّا أند ده مستحيل
من بعد الطريق الطويل
تندهيني للرحيل
ويكون الوداع كلمتك
وألقى على هامش قصتك
وفي أخر طرف ف واديكي
ما تكتبيش نهايتي بإيديكي
ما تكتبيش نهايتي بإيديكي
—
وازاي انا أهون
ولا عمري كنت باخون
يا حبيبتي ازاي أكون
ورقة خريف تحت رجليكي
شوفي غيري يهون على قلبك
حدّ غيري يكون غدر بك
أمّا أنا ده انا كنت دربك
ولا حد قبلي منهم حبّ
ما تكتبيش نهايتي بإيديكي
—
ماضيكي راح
وفاتك جراح
وقبلت اسامحك
واغفر حطيئتك
بعتيني مرّه
والذكرى مرّه
دمعة وحسرة
ولا عمري بعتك
راجعة تاني قوليلي ليه
راجعة تاني عايزة إيه
شوفي غيري تكسريه
أما أنا ده مستحيل
تطفي ف طريقي القناديل
وانا اللي نوّرت سكّتك
ونوّرت كل أراضيكي
ما تكتبيش نهايتي بإيديكي
أنا مش لعبة ف إيديكي
********