وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
الضياع بينا ابتدا
والوداع أدّ المدا
وعمرنا ضايع سدى
وكبرت ما بينا الحيطان
إنتي
وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
لو في يوم تاهت ملامحي
أذكريني على هامش صغيّر
وارسميني في الأماكن
واكتبيني بخطّ أصغر
يمكن تفكّرك الخطوط
باسكندرية والشطوط
والنوارس والهبوط
واللي كان بينّا وكان
إنتي
وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
نفس الطريق اللي مشيناه
دلوقتي ماشيينه رجوع
الضيّ مطفي ولاّ تاه
ولاًّ غيامة عالدموع
ماعرفش إيه بينّا انكسر
ولاّ القلوب صبحت حجر
ولاً صدر حكم القدر
وباعنا ذكرى للزمان
إنتي
وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
تفاصيلنا صبحت لغيرنا
أو متغيًرة لون الفراق
متغرّبين في ضياع مصيرنا
والدوا هوّه هوّه الداء
صبحنا ليه متفرّقين
وضينا ليه بالأنين
وانتهينا بدمعتين
عاللي باع فينا وخان
إنتي
وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
مدبوح يا صوت وبتنكسر
والمرّ في حلوقنا ابتدا
مين اللي يثدر عالمطر
لو غرّق الكون والمدا
جايز بدينا بالخطأ
ولاّ الزمان باعنا وصدق
ولاّ نزلنا للغرق
والموج ف بحره كان جبان
إنتي
وانا
.. والطريق
تفاصيلنا تتبدّل غيوم
وصوتنا جوّنا غريق
والدمع ف عيونا نجوم
زمانّا ما كانش لينا
أو احنا كنا غير بعضنا
أو عكسنا …
أو ضدّنا .. كان الزمان
ولاّ الزمان كان مظلوم
إنتي
وانا
.. والطريق
تفاصيلنا إتبدلت غيوم
وصوتنا جوّنا غرق
وراجعين طريقنا بالهموم
********************