كنتي ورد الخد طارح
فى الملامح نور جميل
كنتي عطر الورد فايح
كنتي شوق المغرمين
فين جمالك بس فين
يا أميرة بتاج وطرحة
ليه فى عينك دمعتين ؟
ليه خدودك دبلانين؟
ليه عنيكي مغربين؟
لبسه ليه لون الرماد
ونبرة في الصوت الحزين
باكيه
شاكيه
شاردة
حكيه من سنين
أمتي يرجع لون عيونك
بالسمار متكحلين
امتي القي ايديكي فرده
والكفوف متحنين؟
امتي القي الضحكه طارحه
فل أبيض ع الجبين؟
تاج وطرحه
وف خدودك احلي فرحة
بنور شروقك مبدورين
ع الحدود الاد غنوة
فيها كلمة حب حلوة
فيها شوق ماليان حنين
اه يا وعدي ليكي قلبي
و فيكي تاه العاشقين
اي وصف يوصفوكي
بأي حرف هيكتبوكي
وانتي فوق كل الجمال
والربيع بالعطر مادد
فوق كتافك شعر فارد
بالحرير يا ماسيه يا فاتيه
مين بسحرك بس مين؟
يا اميرة بتاج وطرحة
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com