خلاص خلص الكلام
لما المظلوم يبقي ظالم
والفاشل يبقي عالم
قول علي الدنيا السلام
ويبقي خلص الكلام
لما الحق يبقي باطل
وتوه الغلابه في الزحام
لما العلم يبقي خرافه
وتبقي الحقايق اوهام
قول علي الدنيا السلام
لما الضمير يموت ويكتر
في الدنيا الظلم و اللئام
لما تكون لغة القوه بتحكم
عالم الحرب والسلام
لما تبقي الحياه غابه وتسود
الاسود ويموت الحمام
يبقي علي الدنيا السلام.
.ويسود فيها..الظلم.والظلام
قول علي الدنيا السلام
ناس بتبني وتعمر وناس
كارهه. الحياة والاحلام
ناس نبراث للفضيلة وناس
.بتحسبها وحياتها أرقام
ناس تحب الإنسانيه وناس
واخده في الكُره وسام
لما يموت الحب في قلوب
البشر. والحقد يبقي إمام
قول علي الدنيا السلام.
لما القلوب.تبقي حاقده حاسده.
وناس فاطره أيام الصيام
لما الناس تقتل بعضها.بتفاهه
.وناس تحلل… كل…. الحرام
لماالناس يختفي.منها الإحساس
لاموده ولاأدب ولااحترام
لما الناس تنسي ربنا. ولاتفتكر.
انه فيه حساب يوم الزحام
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com