يا عيد وله وراح في غروب
بدمعة طفل متألم
في وسط دروب
يا عيد وله مالهوش شروق
بصرخة أم مشتاقه بالهفة وشوق
تلاقي شروق ويرجع عيد
وعم سعيد بيكي آهات
وتزل دمعه من عينه بمر سكات
ويضرب كف
الفين كف ع اللي فات
زمااااااان العيد واه يازمان لو ترجع
وشمس شروقك الدافيه
في يوم ترجع
يا عم سعيد
خلاص العيد بقا اوهاااااام
بكحكايه وبسكوته ولبس العيد
مظاهر فينا موجوده
بضحكة خوف
من الحاضر من المكتوب
زمان العيد بقا ذكري
وكان في الأمس
معدش اليوم ولا بكره
خلاص العيد بقا ذكري
يا عم سعيد ونتشتت في أحلامنا
نعيش الماضي أيامنا
ياريت ترجع بفرحة عيد
وعم سعيد
بيبكي بحرقه دي الأيام
هلال باكي في مدنه أذان
وبعد الفجر يووووووووم العيد
واه يا شهيد خلاص ماشي
خلاص مرتاح
وتلعن دنيا مجنونه بغدر وفااااااح
وتطلع فوق
وتلبس ثوبك الأبيض بفرحة عيد
بوش بشوش وقلب سعيد
يا عم سعيد
خلاص ماتعيش
على الماضي وماتبكيش
وانسي كل اوجاعك
خلاص يا عم ماتحكيش
خلاص اسكت وماتقوليش
وسبني اعيش
وسبني اعيش في أيامي
في اوهامي وسبني اعيش
وسبني اعيش
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com