صرختك مش ممكن تكون
جوًه قلبي غير سكون
مهما رجعتي اللي فات
ولاً رسمتي الذكريات
مهما كانت الحاجات
زيك بتصرخ من ضميرها
صدقيني .. مش فاكرها
صرختك مش ممكن تكون
جوًه قلبي غير سكون
مش حتغيًرني صرختك
لو حتى صاحبت دمعتك
لأني كنت ف قصتك
طفل في إيديكي ولعبتك
صرختك مش ممكن تكون
جوًه قلبي غير سكون
الدواير اللي رسمتيها في سكتي
والمصاير اللي عاندت خطوتي
والبلاد اللي مشيتها في غربتي
وانتظاري وحدي في وحدتي
والقمر اللي كان من غير لون
كلها ما تنسنيش
كلها ما ترجعنيش
خلًي صرختك جواكي
ماتصرخيش
اللي مات ما يتولدش
والرجوع ما يتفرضش
مهما دقيتي البيبان
ولاً هدًيتي الحيطان
الرجوع محال يكون
صرختك مش ممكن تكون
جوًه قلبي غير سكون
زي الغريق في ساعة الموت
زي الطريق في خريف السكوت
زي الإنسان لحظة جنون
صرختك مش ممكن تكون
جوًه قلبي غير سكون
***