بتكتبي شهادة ميلادي بإيديكي
وإسمي وملامحي وعنواني
وبترسمي حدودي ووجودي
وتختاري زماني ومكاني
وازاي اكون
من غير لون
وامشي دروبي
من غير عيون
حاولي تنسي إني عبدك
واني اتخلقت ليكي وحدك
واني اترسمت واتكتبت ليكي
واني صوتك واني ردّك
أسوارك ساجناني
ومرارك في كياني
بينفي خطوتي
في طريقي وسكّتي
سيبيني وحدي اختار
حتى لو اخترت النار
سيبيني أجرّب واتوه
وسط الملامح والوجوه
حبك مالكني
حبك ساجنّي
محاوط اختياراتي ومحاوطني
كرهت نفسي
وكرهت يا حبيبتي
إني ليكي أكون
صورة ولون
***
التعليقات