محمد شادي
خريجوا هذا المعهد معاهم كارنيه نقابة المهندسين .. فى الكويت عدد كبير منهم تم وقفه عن العمل بسبب عدم الإعتراف به كمهندس فتركوا مهنة التعليم وإشتغلوا ياعينى عمال فى المطاعم .. ماحدث أنه منذ شهر 2 الماضى علموا الإقامة وإشتغلوا 4 شهور ولكنهم فوجئوا بوقفهم عن العمل بسبب أنهم ليسوا معهم تصريح لمزاولة المهنة
فى جمعية متواجدة فى مصر إسمها جمعية المهندسين الكويتية دى لازم أكاديمية الدلتا تاخد الإعتماد منها عشان الطلاب يقدروا يزاولوا المهنة فى الكويت
بعدها خاطبوا الطلاب الجمعيه هنا قالوا لهم إنتم عليكم علامه إستفهام قصاد الدلتا د من اول سنه خرجت دفعات فيها اللى هى من ٢٠١٢ مفيش اى إعتماد وخاطبوا الجمعية المتواجدة فى الكويت قالوا لهم محتاجين كتيب من الأكاديمية فيه 23 بند محتاجين إجابة على كل الأسئلة وجابوا الطلاب ورقة رسمية من الجمعية وبعتوها للأكاديمية الدلتا
لموا الشباب بعضهم وعملوا إجتماع وقابوا رئيس الجمعية فى الكويت عشان يساعدهم لأن إدارة الأكاديمية رافضة إنها تدفع 8000 دولار عشان تاخد الإعتماد عبارة عن ٥٠٠٠ رسوم زيارة للجنة المشكله من الجمعية المتواجدة فى الكويت حيث تقوم بالذهاب و تعاين المعهد على ارض الواقع وتشوف اللايحه والمحتوى العلمى والمعامل وغيره الـــ ٣٠٠٠ الباقين دول رسوم الاعتماد
بعد كدا الشباب بعتوا أهاليهم فى مصر لرئيس مجلس الإدارة الدكتور محمد ربيع ناصرعشان يتكلموا معاه فى موضوع الفلوس قال أنا مليش دعوة باللى خارج مصر .. مش لما هيقبضوا هيجى يحطوا فى جيوبى لا حول ولا قوة إلا بالله
حرام ياباشا مستقبل الطلاب دول لأنهم الوقتى قاعدين هناك ومش عارفين يعملوا إيه وأهاليهم بتبعت ليهم فلوس عشان يعيشوا لأنهم موقفين عن العمل ومعلومة معاهد شبه معهد الدلتا زى معهد مصر العالى ( السلاب ) معاه الإعتماد فى الكويت وعميد المعهد دفع من أول إستغاثه من أبناء المعهد بالخارج
الرجاء من الجميع الوقوف مع هؤلاء الطلاب ضد من يتجارون بالتعليم الطلاب دول دفعوا فلوس كتيرة عشان يشتغلوا وفى النهاية للأسف موقوفون عن العمل فى الكويت ولما أهاليهم راحوا للبيه محمد ربيع ناصر قالهم حرفيا ً : أنا ماليش دعوة أنا مش لما هيقبضوا هيجى يحطوا فى جيوبى