في المدينة
ماشيين
رايحين وراجعين
شايلين الذكريات
والأهات
والأنين
ماشيين الشوارع
نكلم الطرقات
ونسأل المفارق
والشجر اللي على الصفين
إحنا إيه حكايتنا
وإيه قصتنا
يامدينة
إحنا مين
ليه بنتقابل
وليه بنتفارق
وليه يا مدينة
متغربين
عن بعضنا
عن نفسنا
عن جلدنا
عن دمنا
وعن الأيام والسنين
طول عمرنا
ومن صغرنا
كل ما بتحضن إيدينا إيدينا
بنلاقينا
متفرقين
تايهين
متحيرين
ضايعين
لا شا يفين ولا حاسين
ولا فاهمين صوتنا ليه
صوت حزين
يا مدينة صمت وسكات
يا مدينة ماضي وذكريات
البيوت قافلة الشبابيك
ونحاول ندق البيبات
الأيادي قصيرين
يا مدينة إنتي إيه
يا مدينة إحنا مين
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com