كتب / محمد زكي
ظهرت الاعلاميه منى ابو شنب في برنامج العاشره مساءا الواسع الانتشار لتطرح مبادره تدعو للسماح للزوج بتعدد الزوجات حمايه للمجتمع من العنوسه وانتشار المطلقات وهيا المبادره
التي تدعو لها منذ شهور على صفحات التواصل الاجتماعي واثار انسحابها المفاجئ من الحلقه استغراب واندهاش المتابعين … اولا ابدأ سؤال ما سبب انسحابك من برنامج العاشره مساءا ؟
– انا وافقت على الذهاب للبرنامج لعرض مبادرتي التي اراها من وجهة نظري حل لكثير من مشاكل المجتمع ولكني فوجئت بضيوف لم اكن اعلم بدعوتهم اضافه الي حديث احدهم انها جاءت للحديث عن الكتاب الخاص بها وليس في الحديث عن تعدد الزوجات اضافه لعد حياديه مقدم البرنامج ومحاولته التهكم والتقليل من افكاري المعروضه وعدم ايقاف التطاول من قبل الضيوف الاخرين
دعينا نتحدث في صلب المبادرة ذاتها ؟ هل هيا دعوة لتعدد الزوجات أم السماح للزوج بذلك إذا رغب ؟
– المشكلة الرئيسية في الشعب المصري دلوقتي اننا بنحب نعمل كل شئ في الخفاء الراجل بيلجأ للعلاقات الخفيه والغير شرعيه لخوفه من مراته طب ازاي بخاف من مراته وربنا لا انا شايفه ان التعدد فطره الرجل وعلشان كده ربنا ادالوا رخصة الزواج بأربعه شرط العدل والقدره الماديه والجسديه فلو رغب الراجل باستخدام الرخصه حقه ومحدش يلوم عليه
القانون المصري يعطي المرأة حق الطلاق حال زواج الرجل بأخرى كيف تري هذه الماده ؟
– الحقيقة ان الماده دي ظالمه للرجل بأي شرع واي دين اهد بيت لمجرد ان الزوج استخدم رخصه ربنا ادهالوا بأنه يتزوج بأخرى انا بطلب بالغاء الماده دي لانك كده بتضغط على الراجل نفسيا ومعنويا لارهابه من الزواج الثاني
قانون الخلع ؟ هل اعطى للمرأة حقها أم هدم لكيان الأسرة المصرية ؟
الحقيقة ان القانون ده الناس بتستخدمه غلط هوا من ناحيه اعطى للست حق انها تنهي العلاقة لو شافت انها متضره من استمرارها لكن بعض النساء اسائوا الاستخدام بالتشدد وطلب الخلع على اتفه الاسباب
– انتشار الانحرافات الجنسية في المجتمع والاقبال على مشاهده الافلام الاباحية ؟
– القصور في الثقافه الجنسية وعدم الصراحه بين الازواج طبعا الراجل مراته مش مهتميه بيه وبعد الاطفال بتبدأ تهتم بيهم اكتر من الزوج وده بيصيب الرجل بفتور في العلاقة الحميميه وده بيكون على مستوى الست فوق الاربعين أو حتى الست الصغيرة وبالرغم من حالة الجراءه اللي البنات دلوقتي فيها نتيجه الانفتاح على السوشيال ميديا لكن وقت العلاقة الحميميه بتكون مقصره فيها لأن مفيش ثقافه الحوار بين الزوجين ولا نصائح من الاهل في الموضوع وده هيفضل مستمر لو غابت الصراحه بين الازواج طول ما كلام الست في الموضوع ده عيب
ما هيا خطواتك القادمه ؟ ان شاء الله انا هاطلق موقع الكتروني للحديث عن المشاكل الاسرية المعاصره والرد على اسئلة الجميع
