جوة السكوت —
لون الوداع لون جرحنا
بيشدنا
ويهزنا
ويرجنا
يا حبيبتي إنتي وانا
جوة السكوت —
لون الوداع لون جرحنا
إحتمال
أو جايز انا وانتي بنفترق
أو بياخدنا بحر الغرق
لكن صدق
الزمان لما حذرنا لسانه
—
بنضيع —
لكن ما بيدي وبيدك حلول
على أول مجهول بندعي نخش المجهول
ونتعوًد نمشي واحنا حيارى
في طريق ضيق أو في طريق بيطول
نطيًر أحلامنا ورق
وتاخدنا ريحة الملح في العرق
ولا ننكسر غير بإرادتنا
—
كل البيبان حيطان
كل اللي كان بينا انكسر
وانتي وانا متفرقين
وانتي وانا لسه بننتظر
—
إيه فايدة الشط اللي خايف
يا بحر غير موه يعًرقه
لون السكات فارد قلوعه
والعمر الزمن بيسؤقه
من أد إيه إحنا ابتدينا
من أد إيه إحنا انتهينا
من أد إيه واحنا بننكسر
—
الإنكسار عاشق دربنا
وفي يدنا
وفي دمنا
وفي قلبنا
وصبحتي انتي وحدة تانية
وصبحت انا —
مانيش أنا
—
لو كان يا حبيبتي باختيارك
ما كانش صابني الدوار
لو كان يا قلبي باختيارك
ما كانش بكاني المرار
لو كان يا بحر عشقت أحلامنا
ما كانش غرقنا الانكسار
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com