حتذكريني …
بعد ما يدور بينا الزمان
وتندهيني …
تفكريني بكل اللي كان
داير ما يدور حواليكي
أنا موجود في كل مكان
…
أنا منك أنا فيكي
أنا صوتك وغناويكي
أنا دربك وقنديلك
أنا بيوتك وحواريكي
أنا ضلك وأشجارك
أنا ننك أنا الأجفان
داير ما يدور حواليكي
أنا موجود في كل مكان
…
تدور الدنيا حواليكي
وتتغيًر ملامح الذكره
ويتغيًر مكاني ف عينيكي
من امبارح للون بكره
لكن جواكي انا نبضك
وبراكي أنا الأوطان
داير ما يدور حواليكي
أنا موجود في كل مكان
وتعشق نظرتك غيري
وتختاري غيري ليكي
لكن شايفان حواليكي
وجواكي عايش فيكي
وحيخونك ويرميكي
وتفتكري إن انا إنسان
وتذكريني …
بعد ما يدور بينا الزمان
وتندهيني …
تفكًريني بكل اللي كان
وساعتها بس حاقوللك ..
ماتعودتش اعشق اللي خان
***
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com