مستقبل له جذور
صدقيني .. كان زمان
آه زمان
إني أعشق لون عيونك
وارسم عيونك عالحيطان
أمّا دلوقتي خلاص
دلوقتي فات ..
فات الآوان
أنا كنت عاشقك ..
عشق موت
أنا كنت باحلمبك ..
جوّه السكوت
لكني مالقيتش في عينيكي مكان
كان زمان
كان زمان
إتغيّرت فيكي الملامح
والكدب جوّاكي شجر طارح
طعم المرار
طعم اللي خان
وانا كنت حابك حب موت
لكن قلبك باع وخان
من غير سبب
وبدون منطق
كنتي معادلة مختلة الأوزان
كان زمان
إني أعشق لون عيونك
كان زمان
كان زمان
*******
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com