لواء أح/صلاح المعداوى محافظ الدقهلية الأسبق يرجو من الله لكم جميعا ولبلدنا الحبيب مصر السلامة والنجاة من كل شر وسوء، ويرجوكم التركيز والإنتباه للنصائح الهامة الآتية:-
علشان فيروس كورونا يصيبك لا قدر الله .. لازم يدخل جسمك من الثلاثة منافذ دول ( الأنف – الفم – العينين ) ، غير كده مش هيدخل الجسم …
………….. يعني إيه ؟ …………..
يعنى فيروس كورونا مبيتنقلش من الجو ، يعنى مبيتشمش ، يعنى مفيش كائن هلامى في الهوا هنشمه فيصيبنا ويموتنا ، دي شائعات وناس مش فاهمه ، والفيروس ده كمان مبيخترقش الجلد .. يعنى لا يدخل الجسم عن طريق الجلد .
…….. إذن ببساطة وهدوء …….
* هذا الفيروس (كورونا) مصدره بيكون من إنسان مصاب بالفيروس .. وعندما يعطس أو يكح .. يخرج الفيروس مع الرزاز إللى طالع منه أثناء العطس أو الكحة ويدخل لفم أو أنف أو عين شخص آخر سليم .. أو ينزل هذا الرزاز على أى سطح أملس فإذا وضع شخص سليم يده عليه ثم يضع يده الملوثة على فمه أو أنفه أو عينيه فيدخل الفيروس من خلالهم إلى الجسم فيصاب بالفيروس ..
* وأول جزء يصاب فى الإنسان هو الجزء العلوى من الجهاز التنفسى الحلق والزور/القصبة الهوائية .. ويبقى الفيروس فيه لمدة ثلاثة أو أربعة أيام .. ثم ينتقل بشدة إذا لم يتم علاجه إلى الرئتين .
ولذلك يجب على كل إنسان
ألا يعطس أو يكح فى الهواء كده بدون ما يحط على فمه وأنفه منديل ورق أو قماش .. أو المهم بأى طريقة يمنع إنتشار الرزاز إللى خارج من فمه أو أنفه إنه يصل إلى أى شخص قريب أو بعيد منه أو ينزل على أى سطح أملس .. ولو ملحقتش بمنديل يبقى فى كومك وبلاش بإيديك .. ولو اضطريت بايديك يبقى لازم تقوم تغسل إيديك ووجهك فورا حتى لا تنقل العدوى لغيرك دون أن تدرى .
……….. يعني من الآخر ………..
علشان الفيروس كورونا ده يصيبك .. (لا قدر الله)
لازم تكون قد وقفت أمام أو بالقرب من شخص مصاب بالفيروس بيعطس أو بيكح ووصل منه رزاز على وجهك ودخل فمك أو أنفك أو عينك ..
أو تكون لمست أو قبلت أو عانقت شخص عنده فيروس أو لمست بيدك جسم صلب عليه هذا الفيروس .. ثم وضعت إيدك على أنفك أو فمك أو عينيك ، فيبدأ الفيروس يدخل للجهاز التنفسي ويهاجم جسمك ..
………….. ومن هنا … ………….
… طبق القاعدة الطبية الشاملة الآتية …
تعامل مع كل الناس على أنهم مصابون بالفيروس .. وكل الناس يتعاملون معك على أنك مصاب بالفيروس .
ولذلك كل الكلام اللي جاى ده لو التزمت بيه فأنت هتحفظ نفسك من الإصابة بالفيروس بإذن الله ..
ومش بس بتحفظ نفسك وإنما بتحفظ عشرات بل آلاف بل وربما ملايين من البشر :
1- * متحطش إيدك على الفم أو الأنف أو العين
حاول ذلك طوال اليوم .. وخاصة خارج البيت .. ولو مبتقدرش تتحكم فى الحكاية دى إنتقل لرقم 2- .
2- إغسل إيدك بالماء والصابون لمدة 20 ثانية
وادعك إيديك الإتنين جامد بحيث تزيل أي جراثيم أو فيروسات من عليهم ، وطبعا الماء والصابون متوفرين عند أي حد ، مش لازم كحول ، (لو وُجد أهلا وسهلا) لكن الماء والصابون كافيين جدا .
3- بلاش سلام ولا تقبيل ..
لكن لو سلمت أو قبلت متحطش بعدها إيدك على عينيك أو بوقك أو أنفك ، فقط إغسل إيديك لمدة 20 ثانية الأول .
4- إلزم بيتك / بلاش خروج من البيت
ولو خرجت لظرف طارىء حاول ألا تلمس أى أجسام معدنية أو زجاجية ( أكر الأبواب ، حافة كرسي الأتوبيس أو المترو أو سيارات الأجرة ، المقابض ، ماكينة التذاكر / الفيزا ….. إلخ ) ، ومتسندش إيدك على السلم الكهربى فى المولات ، والسوبر ماركت ، ومتحطش إيدك على أى سنّادات ملساء
يعنى من الآخر …
لا تخرج من البيت إلا للضرورة وأول ما تخرج من بيتك حط إيدك في جيبك ومتخرجهاش إلا للضرورة القصوى ، أظن دى بسيطة .. بس الأهم هو ألا تضعها على الفم أو الأنف أو العينين .. ولازم بعد كده تغسلها بالماء والصابون .. ولازم تاخد بالك لو بتمسك فلوس معدنية أو ورقية تعمل نفس الإحتياطات دى .
5- متكحش و متعطسش غير في منديل
وبعدين إرميه علطول فى باسكت القمامة ، ولو ممعاكش منديل ، يبقى الحق تكح أو تعطس في كمك ومتتكسفش ، حط وشك في كوعك على الهدوم واعطس فيه ، بس أوعى تعطس أو تكح في إيدك . دي أسرع وأخطر وسيلة لنقل الفيروس .. ولو لأى سبب حدث لازم تغسل إيديك ووجهك بعدها فورا .
6- الكمامات والمناديل هامة جدا
لكن الكمامة ملهاش لازمة لو أنت مش عامل في المجال الطبي ، المناديل ومطهر كحول (60% أو أكثر) هتكون أفيد ، متشجعش جشع تجار الأزمات وتشتري كمامات بأضعاف تمنها الأصلي .. لكن لبس الكمامة هام للغاية لو اضطريت تتواجد فى مكان مزدحم .. ولو ملقيتش كمامة حط منديل بدل الكمامة .
7- لو شعرت بأعراض الإصابة بالفيروس .. وهى :
ألم فى الحلق/الزور .. نشفان فى الريق .. إرتفاع تدريجى فى درجة الحرارة (فوق 37.3) .. سعال/كحة ناشفة مستمرة ، بالترتيب كده ، يبقى إنزل على أقرب مستشفى ، ولو مش متوفر ، يبقى إعزل نفسك فى البيت ، وبلاش سلام على حد ولا خروج من البيت خالص وحدد لنفسك أدوات تناول الطعام خاصة بيك لوحدك ..
وابدأ فورا جهز محلول عبارة عن خليط من (ملعقة صغيرة ملح مذابة فى كوب ماء + عصير نصف ليمونة + ملعقة صغيرة خل) .. وتعمل منه غرغره للزور/الحلق عدة مرات .. لأن الفيروس بيفضل فى منطقة الحلق لمدة ٣ : ٤ أيام قبل أن ينتقل لمنطقة الجهاز التنفسى/الرئة .. لا قدر الله
8- لو عملت كل اللي فات ده
الفيروس مش هيصيبك بإذن الله ، ولو حصل أنك شعرت أنك أصبت بالفيروس لا قدر الله .. إعتزل بالبيت فالإحصاءات حتى الآن بتقول أن نسبة الشفاء منه عالية .. وقم بتنفيذ كل النصائح السابقة بالإضافة إلى تناول الينسون الدافىء والسوائل الدافئة بالليمون .. وكذا أكل الفاكهة ..
وإذا وجدت أنك قمت بكل ما سبق ولكن الأمور لا تتحسن .. فلابد من الذهاب للمستشفى المتخصص فورا .
9- لو إبنك أو بنتك صغيرين تعمل لهم إيه ؟؟
بعد قرار وقف الدراسة .. وقفوا الدروس كلها والسناتر والتجمعات والخروجات ، وعلشان تطمنوا ومتقلقوش ، حتى الآن نسبة الوفيات من سن سنة إلى 9 سنين صفر % ، ومن سن 10 لحد 40 سنة النسبة 0.2 % …. وبعدين بتزيد في المرضى المصابين بأمراض مزمنة زي الربو والضغط والسكر والتدخين .. وأيضا فى كبار السن إللى فوق الستين والسبعين سنة .
10- كن حريص بعدم الإقتراب من أى شخص
لمسافة أقل من متر لأنه ممكن يكون مصاب ويكح أو يعطس فى وجهك أو حتى ممكن دون أن تشعر يخرج رزاز منه وهو يتحدث معك .. ولو لمست شيىء أو اضطريت للسلام على حد يبقى تذكر ألا تلمس وجهك على الإطلاق .. ولازم تحاول تغسل إيديك .. وفى كل الأحوال أول ما توصل البيت لا تسلم على أحد فيه وقم أولا بغسل إيديك فورا بالماء والصابون لمدة ٢٠ ثانية ثم بعد ذلك تغسل وجهك .. ثم مارس حياتك عادى .
11- من لطف ربنا إن إللى عنده مناعة عالية زى الأطفال والصغار لا يصيبهم الفيروس لكن ممكن ينقلوه للشباب والفتيات والكبار وكبار السن فى الأسرة
ولذلك هناك شيىء آخر هام وخطير وهو
أن الأطفال والصغار هم أكثر من ينقل الفيروس لأنهم لا يتحكمون فى تصرفاتهم خاصة لمس الأشياء بأيديهم واللعب بها وممكن تكون ملوثة بالفيروس .. وبعد كده إحنا الشباب والكبار بنتعامل معاهم وبنحضنهم ونبوسهم فينتقل منهم الفيروس ..
* علشان كده خدوا بالكم من نظافة أيادى ووجه وأجسام أطفالكم وكونوا حريصين عندما تلمسوهم أو إذا لمسوكم .. وأول ما ترجعوا البيت أيضا تقوموا بغسيل أيديهم ووجوههم .
12- لعمل محلول تطهير للبيت ..
* علشان تقوم بتطهير المسطحات الملساء فى البيت أوكر الأبواب .. ترابيزة السفرة .. أى سطح زجاجى أو معدنى أو بلاستيك .. أى مقابض خشب ….. إلخ
تعمل الخليط الآتى .. ( كوب واحد كلور مخفف أو كلوركس + ١٠ كوب مياه + نصف كيس ملح )
* تدوب الملح فى الماء ثم تضيف ليهم كوب الكلور المخفف أو الكلوركس .. ويوضع الخليط ده فى جركن صغير أو فى زجاجة أو أكثر لها بخاخة .. ويبقى كده عندكم محلول مطهر .. تقوم برشه على أى حاجة أو أى مكان عاوز تطهره فى البيت وتمسح هذا المكان بفوطة .
13- لعمل محلول مطهر لليد
بدلا من الكحول المطهر الذى ارتفعت أسعاره من المستغلين .. يمكن عمل محلول مطهر لليد بإمكانيات بسيطة وذلك بعمل الخليط الآتى ..
لتر ماء + عصير ٢ ليمونة + فنجان خل (٢٠سم)
وبعد خلطهم يتم وضع هذه الكمية فى زجاجات صغيرة عادية أو لها بخاخة ثم توزع على أفراد الأسرة .
مع أطيب التمنيات القلبية بدوام الصحة والعافية والسلامة والسعادة ..
……. لواء أح/صلاح المعداوى …….
التعليقات