بين الدروب احنا بننتهي
وبتنتهي فينا الحاجات
لا قادر اتصوّر ولا تتصوّري
إن احنا نصبح ذكريات
محال اكون ضلّيت معاكي سكّتي
أو تكوني بتكتبي قصة غير قصتي
ولاّ ابتدينا نضيع في الساعات
وننادي على صوت السكات
يطوينا ف معاني المستحيلات
عالمفارق والمواني
وفي مواسم الهجرات
بين الدروب احنا بننتهي
وبتنتهي فينا الحاجات
لا قادر اتصوّر ولا تتصوّري
إن احنا نصبح ذكريات
ما تكدّبيش إحساسنا إننا بنفترق
طفل الهوى البرىء وسط السراب غرق
مدينا فيدينا جسور عالطريق
لا شوفنا إيدينا ولا شوفنا الغريق
وسط السراب كل شىء بيتوه
الملامح في المعاني في الوجوه
واللي جيّ في اللي فات
بين الدروب احنا بننتهي
وبتنتهي فينا الحاجات
لا قادر اتصوّر ولا تتصوّري
إن احنا نصبح ذكريات
ما تدوّريش عالسبب ما تدوريش
ماحنا من غير سبب كانت أسامينا
ما تسأليش ليه الفراق ما تسأليش
ماحنا ماخترناش ضحكتنا ولا دمعة عينينا
أنا وانتي كنا لا إسم لا عنوان
لا اعترفت بينا الدنيا ولا الزمان
ولا حتى الدقايق والساعات
إحنا كنا بنحلم …
والحلم كان من المستحيلات
بين الدروب احنا بننتهي
وبتنتهي كل الحاجات
وصبخنا يا حبيبتي أنا وانتي
صبحنا ماضي وذكريات
***