مشينا طريقنا مشينا
ولا مرًه دخلنا مدينة
مشينا أنا وانتي مشينا
ودموعنا مطر حوالينا
ندم دا ولاً سكات
حاضر دا ولاً ذكريات
وبكره ليه لون اللي فات
ومتغربين في اللي فينا
مشينا طريقنا مشينا
ودموعنا مطر حوالينا
متجرًحين انتي وانا
ومصيرنا تايه مننا
ومتغربة حكاية عمرنا
وكل الحاجات بتنفينا
مشينا أنا وانتي مشينا
ودموعنا مطر حوالينا
الدرول رفضت خطونا
والغروب أصبح بيضمنا
والطريق بيضلًنا
ومغيًمة الدنيا ف عينينا
مشينا طريقنا مشينا
ودموعنا مطر حوالينا
ياطريق حكايتنا يا جاحد
ياللي كنت طريق واحد
بنضيع واحد ورا واحد
والدنيا بتلعب بينا
مشينا طريقنا مشينا
ولا مرًه دخلنا مدينة
مشينا طريقنا مشينا
واترفضت أنا وانتي خطاوينا
*********************