جوًه السكوت …
لون البيوت ..
لون جرحنا
بيشدًنا
ويهزنا
ويرجًنا
جايز …
أو يمكن …
أنا وانتي بنحلم بالموت
أوصبحت ملامحنا تابوت
لكن بنفوت
وبنسقط في الحفرة الأولى حقايق
متضايق ..
لكن ما بيدي ويدًك أي حقيقة
متضايق …
لكن ما بيدي ويدًك أي طريقة
بنحوًد على أول حارة ونتدًارا
ونتعوًد نمشي وجوًانا مرارة
لكن بنعود تاني من تاني أنا وانتي
ونطيًر طيارتنا الورق
نشم ريحة الملح في العرق
ولا يشتهينا غير الانكسار
البوًابات سدود
والوعود مش وعود
وانا وانتي لسة بننتظر
خلف الحدود
إيه ينفع الشط المهاود لموجه
يا بحر غير طرح الدوًامات
كل السكات فارد قلوعه
والطفلة بتوشوش حاجات
من أد إيه كنا ابتدينا
من أد إيه إحنا انتهينا
من أد إيه والطين بيكره ريحة الجدود
البوًابات سدود
وانا وانتي خلف الوعود
الإنكسار خطًى ف دروبنا
على يدًنا ..
وفي دمًنا ..
وصبحتي إنتي غير ملامحك
وصبحت انا مانيش أنا
لو كان يا نورس باختيارك
ما كنت تختار الدوار
لو كان يا بحر عشقت قاربك
ما كنت غرًقته انكسار
،،،،،،،،، ،،،،،، ،، ،
ّ