انصحك اوعي تضحك عليك نعيمه
تيجي تبكي وهي عليك لائيمه
وتقول اكتب ولكلامي قيمه
لازم تكتشف ده ياكبير بنفسك
اللي هيتكتب عليك بجد يمسك
النص ليك والباقي عللي منك
واعي يوم تحن وتاخد بشوية بكش
دموع تماسيح كدابه كلها هكش
ولما حد يقول لاء تقوله بس هش
ولازم تعرف حقيقه الازاز من الماس
وللي من غيرك يتوه وكمان يحتاس
دا اللي يحبك يصونك وسط الناس
وانت تطيب خاطرها وعلينا تفور
وهي بكل الوشوش عليك بتدور
والله في دهيه ومن بالباب تغور
في قلب الضلمه بالادم تنداس
وتقول علينا ناس ملهمش اساس
وبكل بجاحه وجرائه وبكل حماس
لا تشكرك يوم ولا حتي تحمد ربك
اوعي في يوم نحدث بيها نفسك
انهم طيبين ولاد ناس زينا وزيك
دي من وراك علي الابواب تدب
وتقول الحقو وشوش مليانه كدب
شوية لمه فاضيه علي حبة لب
وهي ف الاصل متعرفش فين الادب
تعبان علي ديب وفي الاصل تعلب
ميقولش عليك الا في الاصل كلب
مبتصونش العشره وفيها حتي تغلب
تخونك ويجيب عليك اللوم والذنب
والاصيل تلاقيه ساكن جوه القلب
يسندك في الشده ويسكر مرارك
القلب الطيب يفرحك وينور دارك
والوشوش المزيفك يكفيها دقة زارك
اصلي مسكه لساني مش عايزه اشتم
واللي ارميه بيه يشنق نفسه وولاده تتيتم
دا بيت العيله ياناس علي قدنا متقسم
ومهما تقول علي الخسيس ولا ونزيد
هيفضل المعني ساكن في بيت الاصيد
هو كتر الكلام للاطرش يوم هيفيد
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com