تقرير / اسلام تايجر( يوم 6-2-2016 )
نائبة البسطاء هكذا يسمسها ابناء دائرتها تحدت 2010 سطوة الحزب الوطني تعرضت للاستبعاد التعسفي بعد نجاحها في البرلمان – وقفت أما تحد قوي امام جبروت الاخوان وتحدت ببسطاء الناس والغلابه وحطمت المال السياسي في انتخابات هذا العام ووصلت لمقعد الدائرة كأول سيدة تحوز المقعد الفردي بمحافظة القليوبيه ذهبنا اليها لتتحدث معنى حول مشاكل دائرة شبرا الخيمة التي لا حصر لها ….
الحاجة ثريا الشيخ : أنا حابه اقول للمسئولين ان دايرة شبرا الخيمة دايرة منسية ولا طولنا نبق ريف ولا طولنا نبق حضر ولا طولنا نبق القاهرة ولا قليوبية – الدايرة فيها صعوبات كتير جدا جدا فيها مشاكل صرف صحي وطرق ومشاكل الصحة حدث ولا حرج ” بوجه رسالتي لوزير الصحة : بقوله الفقير في بلدنا بيموت ! اتق الله فينا .. أنا عندي شاب 21 سنه حصله حادث لحد ما وصل مستشفى المطرية كان توفاه الله لو أهلة كان معاهم فلوس يدخلوه مستشفى خاص يمكن كان ربنا نجده – عندي سيده جالها تسمم حمل ملقناش ليها عناية مركزة تتحجز فيها – المرضى علشان تتعالج من فيروس سي بتروح بنها وبتروح هنا وهنا عندنا صحة من غير صحة التردي والفساد ضرب كل المستشفيات بنطالب بمظلة تأمين صحي تغطي كل المواطنين نفسنا بطاقة التأمين الصحي تغطي كل المواطنين تبق زي بطاقة الرقم القومي مش الطب يتوقف بس على الضباط والأطباء والمهندسين والبسطاء من ابناء الشعب يتبهدلوا – عندنا مشاكل في مياة الشرب المياة مش بتوصل للدور التاني ! عاوزين نغير مواسير المياة ونطور شبكات الصرف الصحي عندنا محطة مياة في مسطرد بتغذي مصر الجديدة ومدينه نصر والمناطق الراقية ومش بيستفاد بيها أهالي شبرا – عندنا مناطق كتير محرومه من الغاز الطبيعي تبق محطة الغاز عندنا ويستفاد منها أهالي القاهرة واحنا لأ مش بنطالب غير بالعدالة – عاوزين نرجع مصانع تدوير القمامة زي مصانع شركة سيمو لتدوير الورق ” الشركة موجوده وعمالها موجودين وفي حكم محكمة والشركة واقفه ” كمان فين حقوق العمال في شركة زي كريستال عصفور سرحت الناس وشردت أسر فين معاشات الناس دي – أما مشاكل المرور أنا نفسي اشوف ضابط مرور بشبرا الخيمة – والتوكتوك ده اللي هيقضي على الحرف في مصر خلاص بعد سنوات قليلة مش هتلاقي ولا نجار ولا سمكري ولا حرفي الكل استسهل المكسب السريع – بطالب الرئيس عبد الفتاح السيسي بص للمواطن الغلبان الناس دي هيا اللي وقفت وراك لازم حضرتك تتابع بنفسك الاداء الحكومي لأننا محتاجين للتغير
https://www.youtube.com/watch?v=rCAfVKALZ2k