حسد أم إهمال .. بقلم :- الحسين داود

الناس دائما كل ما يحدث لها أى مشكله تعلقها على الحسد،يعنى موبايلى حصل النهارده وانكسر، يعنى كدا الموبايل انتهى ، و قبل كدا فى سفره اللاب توب اتكسر و هكذا ، هتقولولى مأنت بتنشر و مش خايف من الحسد / انا عارف ناس كتير بتسافر اكتر منى و بتنشر و عادى مش بيحصل لهم حاجه بس الفرق ايه ؟؟
الفرق لما أتعرف بناس معرفهمش و اللى اغلبهم بيطلع شوية حاقدين ومنهم ( المنخنقة و المترديه و النطيحه و ما اكل السبع) فكره ان واحد مسافر اوربا بالنسبه لهم هى (الوصول للمستحيل او بلوغ السعاده)
زى واحد منهم باعت يقولى انت اسعد واحد فى الدنيا و اللى يقولى انت محدش مرتاح البال زيك و اللى باعت يسأل كيف أسافر
هما لو ناس طبيعيه هيعرفوا ان السفر لاوروبا مش السعاده و لو مجربين هيعرفوا انه ملوش اى علاقه براحة البال و ولو مهمش أنانيه هيعرفوا ان اى حد اوراقه مكتمله هيقدر يقدم على تأشيرة شنجن و هياخدها و يسافر و مش هيبقى سعيد ولا مرتاح البال ولا حاجه بس للاسف هما شويه من أنانيه المجتمع دوشونى الأسئله .
الله يبعدعننا الحاقدين،لكن ممكن العمر الإفتراضى لشىء ما إنتهى نقول اتحسدنا،ونخطأ فى تقديرنا لأمور كثيره ونحملها على الحسد