ضحكه جندي مقاتل بطل اثناء اصابته بطلقتين في الرجل
اقسم بالله انت فخر لينا كلنا يا بطل 
?
جندي مصطفي من قنا بلد الرجاله والقلوب الصافيه بيقولي كلمه واحده
(يافاندم الاصابه شرف ليا والله بس انا عاوز اطلب منك طلب ماتنزلنيش اجازه وخليني معاكوا هنا )….بالرغم من اصابته اللي تعجز اي حد مكانه ادت الي تهتك في بعض عظام القدم الا انه عاوز يكمل وماينزلش اجازه عشان هو زعلان انه اتصاب علي الفاضي وماوقعش حد من العناصر التكفيريه طب اقولك كفايه بضحكتك دي انك تقتلهم بدل المره الف انت فخر لكل زمايلك وفخر ليا انا كمان رفض ان حد يشيله بالرغم من اصابته ومشي علي رجله المصابه ورفض ان حد يسنده ويقولي ( يافاندم احنا صعايده مابنتشالش ا)لدكاتره كلها مستغربين ازاي هو كده وسايح في دمه وبيضحك وبيغني وبيقول شعر ….
احب اوجه رساله لكل من تسول له نفسه ويقول ان جيشنا ده مش رجاله جيشك ده طول مافيه العينه دي في البلد هتبقي بلدك بخير ابن بلدك وهو مصاب بيقولك هكمل غيره نايمين وعاملين نفسهم تعبانين خلي عندك اراده وعزيمه تغلب تعبك وشدتك اللي انت فيها اوعي تستسلم للي يتعبك واوعي تفكر انك لوحدك ربنا هيوقفلك اللي يساعدك حتي لو انت مش كويس ودي اراده جندي عاوز يعمل حاجه عاوز يحس انه بيعمل حاجه
ربنا يكتبلك الشفا والسلامه علي خير انشاء الله وتسلم يابني البطن اللي شالتك
وتعيشي ياضحكه مصر