عينيكي الحلوة بتترسملي
في خطوة طريقي لو مشيت
سما ومداين وجناين
وقمر بيحضن شجرة وبيت
وافتكراك كل أيامك
همسك وكلامك وأنغامك
وكل الدقايق والساعات
***
تترسملي عينيكي ف جداري
طاقة تنوًرلي في ضلامي
شمس في زمان الغيوم
تشرقلي حتي ولو بتنامي
أفتكرلك حضنك الدافي
واترسملك بحرك الصافي
وندةب سوا في الذكريات
***
بافتكر كل ذكرياتنا
واحلم كتير لكن باتوه
ليه القراق كان نصيبنا
والزحام ليه دارى الوجوه
وانتي وانا من سكات
نصبح في لحظة ذكريات
***
عينيكي الحزينة بتترسملي
في خطوة طريقي لو مشيت
غيمة وغروب وضلمة
وريح بتشرخ في باب البيت
وافتكرلك كل أوجاعك
لحظة وداعي ووداعك
ودموع الشوارع والحارات
*****
*****
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com