ما تحلميش تاني معايا
مش صعب أحلم لوحدي
أنا لو بضبع صوتي ف هوايا
حيكون صداه هوّه ردي
لو تعندي بإيه يفيد
ما أقبلش اكون ليكي شهيد
ولا اشتهيكي ولو باموت
…
عشقي ليكي مش ضعف مني
ولا لأني أسير هواكي
قادر في حزني إني أغني
واعشق الضبمة واكره ضياكي
مش بيكي يتقدّر مصيري
ولا عمري اكون ضلّ لغيري
ولا امشي ادق أبواب البيوت
ما اقبلش اكون ليكي شهيد
ولا أشتهيكي ولو باموت
…
يا تكوني قادرة عالمواجهة
يا إما تختاري الهروب
طول عمري أكره الهوامش
ولا عمري أرضى بالغروب
كوني ليّا لحد غيري
دمع أو لحن أو أغاني
بس إياكي السكوت
ما أقبلش أكون ليكي شهيد
ولا أشتهيكي ولو باموت
…
إختاري غيري أو اختاريني
وما تختاريش وسط الطريق
يا تشتريني يا تبيعيني
ما اقبلش اكون مجرّد صديق
أرفض أكون جنة ونار
أرفض في بحرك الدوار
وفي هواكي دمية ف تابوت
***
بقلمي / عادل عبد الرازق
*******************