ليه ساكتة ليه طول الوقت ومسهمة!!
بتفكري في اللي باع قلبك وخان!!!
عشتي ليه وانتي مخدوعة فيه مطمنة
في نص الطريق سابك واصله بان
اللي زي ده الغدر فيه سمة
ازاي قدرتي تحسي معاه يوم بالأمان!!!
ازاي قدرتي تشوفي انه انسان ثقة!!!
اختار مصالحه اختار بعادك عشان جبان
كل خيوط الحيرة نهايتها سكة محزنة
ياجنون وعيون بتبكي علي اللي كان
او الانتحار بطريقة قاسية بشعة مهلكة
او تغيير مسار الحب بزنزانة النسيان
مشفق عليكي انا ياوردة يائسة مستسلمة
مش فارقة معاها يهب فيها بركان
مش فارقة معاها تعيش حياه معتمة
او نور بيزغلل العيون يضايق كمان
روحك نصيبها تطوف حوالين طرق مؤلمة
تسأل بصمت وخوف الحب فين يازمان؟!!
حظك كده مش لاقية ايد منصفة
تحبك محبة صدق تسقي النبض عطف وحنان
انكتب عليكي تعيشي وسط الخلق متعذبة
العشق نار وانين وقلبك كتير اتهان
جواكي احلي براءة جواكي طيبة ملفتة
حالتك حالة مؤسفة امتي يئون الاوان
تنسي السنين المرهقة ولحظات مرة ومربكة
يعلي صوت الالسنة الرحمة الرحمة بالانسان