أنا وانتي في مفارق الطرق
ولحظة واحدة ونفترق
تبدأ مشاعرنا تموت ..
واحنا تايهين في السكوت ..
نبدأ سوا رحلة غرق
أنا وانتي في مفارق الطرق
…
راح اللي راح
وانا وانتي حلم وانتهى
لا قدر يبدأ طريقه
ولا حتى يادوب اشتهى
سطرين وكنا أو هوامش
أو حبر مكتوب عالورق
أنا وانتي في مفارق الطرق
ولحظة واحدة ونفترق
تبدأ مشاعرنا تموت
واحنا تايهين في السكوت
نبدأ سوا رحلة غرق
…
صدقيني لازم نضيع
صدقيني لازم نموت
الحلم عمره ما كان لنا
ولا كان لنا طعم البيوت
كان حبنا أصبح وليد
بس على مهده اتشنق
أنا وانتي في مفارق الطرق
ولحظة واحدة ونفترق
ونبتدي نمد الإيدين
ونبتدي نودّع سنين
ونبتدي سوا الغرق
**************