مش قادر اصدًق انك تبعدي
مش قادر اقبل الحقيقة
وان طريقنا حينتهي
يا دوب ف لحظة أو دقيقة
محال تكون ضلًت خطاها خطوتي
محال أكون ماعرفتشاختار سكًتي
صدفة ولاً وهم كانات الساعات
وميعاد ميلاد فجأة يصبح ذكريات
واللي جيً يتلوًن بلون اللي فات
وطفل الهوى وليد بيحبي …
قبل الميلاد على مهد السكات
وتنهتي كل قصتنا الرقيقة
مش قادر اصدق إنك تبعدي
مش قادر اقبل الحقيقة
كدبت شموسي في كدبة شروقك
غرقت مراكبي في بحر شوقك
هاجرت طيور النورس شطًها
وإيدي الوحيدة الموج شدًها
للدوًامات والذكريات والمفارق
وتاهت ملامح الوشً المفارق
من غير ذنوب صبحت خطيئة
مش قادر اصدق إنك تبعدي
مش قادر أقبل الحقيقة
لو كان ضميرك يرضيه أكون
عاشق وعابد عيون بتخون
حاقبل فراقك من غير شطوط
لكن حعيش أوعد واخون
وازرع ضلامي ف كل خطوة ف سكًتك
واوهب شروري لكل لحظة في دنيتك
واكسر ملامجك اللي كانت يوم بريئة
مش قادر اصدق انك تبعدي
مش قادر أقبل الحقيقة
وان طريقنا حينتهي …
يادوب في لحظة أو دقيقة
****