مش قادر على النسيان
ولا قادر على الأحزان
بس الغريبة إني عاشق
رغم ان قلبك هوّه اللي خان
ما قدرتش اعرفلك طريقة
ظالمة كنتي ولاً بريئة
ولا عرفت ايه هيّا الحقيقه
ومقفلّة ف وشي البيبان
مش قادر على النسيان
ولا قادر على الأحزان
برغم ان قلبك هوّه اللي باع
برغم ان قلبك هوّه اللي خان
الطريق اللي مشينا فيه
والخطاوي
والحكاوي
والشوارع
والبيوت
وايديً ف إيديكي
وضحكة عينيكي
والهمسه والسكوت
إزاي انسى كل ده
وازاي افدر على كده
وازاي انتهى وليه ابتدا
واندار علينا ليه الزمان
برغم ان قلبك هوّه اللي باع
وبرغم ان قلبك هوّه اللي خان
مش قادر على النسيان
ولا قادر على الأخزان