من فضلك ياروحي فين الأثر
ولو انت ناوى على الرحيل
من فضلك سيبلى اى اثر
وكلام كتير افتكره ليك
من بعد مانويت السفر
وكنت معايا من يومين
نحكى ونقول انت الامل
وانت كمان قولت لى
ولايوم اسيبك افتكر
ماتقولى ايه غيرك
خلاك تفكر فى البعاد
ولا حتى لحظه تفكرك
باللى كان بينا من وداد
فجأه كده وبدون سبب
وبدون اى مقدمات
جاى وبتقولى العجب
انك حتبعد وللممات
وانا من ساعتها قلبى سكت
وحسيت كمان بقلبى مات
بطل يدق بطل يحب
اصل انت كنت كل اللى فات
.وفى لحظه منك فرض السكات
على قلبى وحياتى انكتب نهايات
وانا من بعدك قاسيت قول انتهيت
ومن حرقة قلبى بكيت وعليك دعيت
وقولت روح زى ما وجعت قلبى
انا واتازيت
حدعى بذنبى وبحرقة قلبى
ولما اسمع انك موجوع
حكون رضيت
لاء مش انا اللى تتمنى الوجع
لقلب فى يوم من الايام
انا له حنيت
لكن بقول كلام اعزى بيه قلبى
لما انت جيت عليه وافتريت
ادعى واقول تجرب حيرتى
ونارى ويبعتلك قلب قاسي زيك
زى ما انت عليك قسيت
By جريدة الفراعنة
(جريدة الفراعنة) عندما يكون للحرف معني ، جريده مصريه مستقلة شامله تعبر عن مختلف الآراء لمختلف الأطياف نرحب فيها بآرائكم ومقالاتكم وأشعاركم وأخباركم ، نقدم خدمه إخباريه ثرية لدينا عدد كبير من المراسلين المميزين و نخبه من الكتاب البارزين ويسعدنا أن تكون جريدة الفراعنة مدرسه لتخريج جيل من شباب الصحفيين جريدة الفراعنة مستقبل له جذور أسسها محمد زكي في ديسمبر 2011 البريد الإلكتروني alfaraena1@gmail.com