إحنا المصريين
دمنا مصري
همنا مصرى
هنفضل واحد ليوم الدين
إحنا المصريين
ربنا شاهد
إننا واحد
منقبلش القسمة على اتنين
قوتنا تملى فى وحدتنا
محبتنا تملى فى لمتنا
تعيشى يا مصر يا بيتنا
يا ام الدنيا يا ام الكون
بحب هلالنا و صليبنا
بحب وطنا حبيبنا
اللى يفكر يغلبنا
يبقى حقيقى مجنون
نور يا هلال فى العالى
نور يا صليب الكنيسة
الحب اللى بننا غالى
المحبة مش رخيصة
إحنا اخوات مش أولاد عم
نفس الشكل و نفس الدم
ملعون أبو الفتنة الخسيسة
شيخنا قالنا فى الجامع
ابونا علمنا فى الدير
أن مفيش أيها مانع
يكسر جبل المحبة الكبير
سلاحنا أقوى من الصواريخ
يعيش ابونا و عمى الشيخ
تعيشى يا بلدى فى حب و خير